Sambhavna

Pyare dosto!

                   Ek bar ek gurukul ke kulpati ne apne shishyo se kaha ab me retire hona chahta hu. Maine apne samrthya anusar jitna ho sakta tha ap logo ko gyan diya. Ab mai baki samay prabhu bhakti me bitakar apna budhapa sukhad karna chahta hu.

Shishya chintit swar me bole : prabhu hamara kya hoga ? pahale aap naya kulpati bana dejiya phir aap sanyas lijye.

Guruji ne kaha kal jab me apne pad ko tyagunga tabhi naya kulpati bhi niyukta kar dunga.

Agle din guru ji ne shishyo ki sabha me ek sawal puchha: Loha or Chandi me mulyavan kya hai?

Sabhi shishya ek swar me bole Chandi.

Ek shishya jo maun tha guru ji ki nazar us par padi. Unhone use apne pas bulaya aur puchha : Tum chup kyo ho ?

Usne kaha mai inse sahmat nahi hui. Meri nazar me Loha jyada kimti hai. Kyonki Lohe ko Paras chhu le to wah Sona ban jata hai lekin agar chandi ko paras chu le to chandi Chandi hi rahati hai. Lohe me jo sambhavna hai uski wajah se weh mulya me Chandi se sasta hote hua bhi chandi se jyada kimti hai. Is liye Insaan wo mahan nahi Jo unche pad par ya krorepati hai balki wo mahan he jisme kuchh karne ki soch aur har paristhiti me sambhavnao ko pakadne ki samajh hai.

                Guruji ne usi samay us shishya ko apna pad sonpa aur sanyas le liya .